taliwala sa mga hilay nga nagpasad sa katilingban...
sa mga kahasol nga hinimo sa kaugalingon...
sa mga kagul-anan sa uban nga kinahanglang ubanan...
hinaut unta nga ako magdalag presensya sa magbubuhat
presensya sa maghuhupay
taliwala sa mga kalipay nga natagamtam...
taliwala sa mga katawa ug agik-ik...
sa talidhay ug pahiyum
kining dughan sa hilum adunay mga bakho
adunay mga dangoyngoy sa pangindahay
kay human ko dad-a kining presensya ngadto sa katilingban
kining maong presensya akong naamgohan
lisud ampingan
akong nakita nga lungagon kining kaugalingon
buslot kining banga nga bika...
