KATAPUSANG PANAMILIT

By: Dr. Jose Rizal

Translation by: Msgr. Rudy Villanueva

Music by: Nicanor Abelardo

Copy furnished by: Gerard Frankel Margallo

Subo akong mobiya, yuta kong pinangga

Mutya sa kinalwran, paraisong nawala

Talikdan sa way langan, subo kong kinabuhi

Bisan hawa sa gilak, kaambong ug kalagsik

Hayan may kapuslanan sa umaabot mo

Sa natad panggubatan, aduna may mapukan

Way laing hunahuna kondili ikaw

Ako man walay pagpili diin hikabsi sa kinabuhi

Syudad man o kamingawan, kasagbutan o kabulakan

May kauban ba o mag-inusara

Kay igo nang pagpahulay sa natawhan kong sabakan

Takna sa panagbulag, pagsiak sa banagbanag

Una pa sa bidlisiw sa adlawng nagsingabot

Buot mo bang pintalon, hulagway sa kaadlawon

Sawra ang akong dugo aron mabuhi ang imong dibuho

Agi'g pagmatuod sa paghigugma ko

Lungsod nga hinalaran, samad sa akong dughan

Mahal kong Pilipinas, dungga king pagtuaw

Kanimo akong itugyan: kadugo ug sinaaran

Wa man untay manlulupig sa adtoanan ko

Walay pagtoong makamatay diin maghari ang Dios

Handumon ko kamo sa pagpahulay ko

panghupaw

kasingkasing hiniktan

ginaid sa kaugalingong buot puy-an

kasingkasing mahuyang

pagkadali mahaylo

pagkasayon malimbungan

sa mga mata,

sa mga ngabil,

sa mataupong mga tinan-awan

sa mga pahiyum nga manguhit

sa mga talidhay'ng manggunit

ug moukiok sa uyok

ning kasingkasing hinamok

bawion mo Maglulukat

Ikaw maoy Magbubuhat

Laon nga Makapatag

Tim-osa kining kalag

diwa kong nag-alindasay

habuli og pagpahulay

kinabuhing hinulaman

patilawa og katagbawan

kinsay pay kadaganan

kondili ang gihalaran

tughonga sa makadaghan

pagpangahas kong ikaw maoy gisaaran

madanglog ang paglatay niining hangol

samtang hangpon usahay sa kaguol

kay mingawon man nga mag-inusara sa dakung unlan,

apan anaa baya untay daghan kung unlan man lang ang gikinahanglan

apan kining kahangol sa mga kahidlaw nga gitagamtam sa labing daghan

gitikon man sa pangisip nga magpintal sa mga larawan

mga kalipay nga lumalabay

sinubakag mga pagmahay

hataas man kining panaw may nasayod ba?

kining kalag, kalag nga masinupakon

manggad lumalabay

kanunay gitinguha

bisan supak sa hataas nga kabubut-on

kalain...

ang imong karagongkong

gilibutlibutan sa imong tabaghak

ugaling kay nagsaguk-ong

kay daku dia'yng pagkapahak

MGA DAANG TAWO

Lisu Bungtod
(a man that could twist a mountain)
Bali Alho
(one that could break a big pestle with bare hands)
Sagpo Baha
(this one could wrestle with a flood )
Bugto Pasan
(cuts a cane by pulling up the edges horizontally with both hands)

kumusta

hay, dugay na natong wa magkita ue...
nabalhin na ko sa seminaryo ron
musta na?