fuera kapyot

---Dili ka gayud mosugót kanako?
Inday, sud-onga ang akong kahimtang kong dili ba makabuhi kanimo ug sud-onga ang kahimtang nianang tawonga buut usab kanimo magmanggad. Nagkanayón si Tomás, usa ka batan-ong hiilhan, "popular" sa atong katilingban, ug higala sa mga "politico" ug sa mga magsusulat.
--Wala akó makasabut sa imong mga pulong--mitubag si Inday.
--Kay-unsa man ang kahimtang mó?
--Akó dunay "titulo", sa gabay sa Kagamhanan, pilionon sapagka-Representante karon, apan ugma sa pagka-Senador... Akó gisaaran ni Hari Sergio I nga sa sunod nga piniliay himoong Representante....
--Aw diay; kong maó na lang kana, ang akong gugma....
--Ang imong gugma--misagbat si Tomas
--angay ihatag mó sa usa ka tawoingon kanako kay ikaw adunay mapaabut, Pagkabulahan unya nato! Aduna unyay "automóvil"....
--Higala, akó dili mahaylo nianang tanan,--mitubag si Inday pinataas ang agtang.
--Ang "titulo", ang mga katungdanan sa pamunoan, labina ang "auto", dili maó ang makadani sa akong kalooy ug sa akong gugma. Akó dili gayud mosugót sa tawo nga magsalig lang sa PANGOPISYO ug PANGAPYOT sa mga harihari. Mga olitawo nga ingon niini, dili angay ug dili takus sa akong gugma.
--Nasayóp ka, Inday.
--Wala akó masayóp--mitubag si Inday nga madasigon.
--Ikaw ang nasayóps a paghunahuna nga akó mosugót kanimo kay gipakaingón mó nga akó uyonnga ang kalipay ug kapalaran sa pagkaminyo mahimo nga ipasikad langsa pagpangopisyo ug paglingkod sa lingkoranan sa pamunoan. Matuod ngakarong mga panahona walay maayo sama pa sa pangopisyo ug pangapyotkay ang magbuhat sa ingón makasakay sa "auto" nga binayran sa sapisa Lungsod, walay hago ug sa katapusan sa bulan igo lang modawatsa suhol. Ang mga gasa (regalo), labi na kong Pasko, magtuasik ug sa tanang "banquete" ug mga kalingawan sa "teatro" maoy unahon pagabi-abi;apan....
---Unsay apan pa?--misakgaw si Tomas sa pulong.
--Apan, hisayran na sa tibuok kalibutan nga una ka usab tagaan ug katungdanan, kinahanglan nga kuhaan ka sa imong kaugalingong kabubut-on, kinahanglan nga magsunodsunod ka sama sa itoy. Anaa bitaw kana si Mr. Pasta tan-awa, adunay kaalam, adunay "titulo", maayong lake konó; apan maó lay usa ka binatonan sa nagtuboy kaniya. Matud pa sa iyang asawa kanako, usahay maoy mamaspas sa abug sa amerikana ug kalsonis sa iyang agalon ug kong masakit kini maoy manghimuta sa masakiton....
--Unsa may naa niana, Inday? Kong maayo lang ang atong kahimtang....
--Dili, dili gayud mahimo. Ang mga dalaga nga nagmahal sa ilang dungog,dili angay mosugót, hinonoa angay magtamay niadtong mga olitawo nga magsalig lang sa PANGAPYOT ug PANGOPISYO. Angay mong hisayran Tomas nga kong ikaw akong mabana, ang labing dakung kaguol nako ug ang labing mapintas nga samad sa akong kasing-kasing maó kini: nga ikaw tawgon sa mga tawo nga itoy-itoy ni Hari Kuan. Busa, hangyoon ko ikaw nga sukad karon dili ka na, magutas ug hangyo kanako, kay akó dili gayud mosugót sa mga olitawo nga ingon kanimo. Ang akong sugton maó si Berting, ang tinamay mó, kay si Berting, bisan kabus ug bisan dili"popular" sa mga tawo sa Kagamhanan, nagsalig sa iyang kaugalingong kusog ug kasaligan nga siya mabuhi ug makabuhi sa iyang banay gumikan sa singot nga ipatulo niya sa iyang agtang. Si Tomas, namula ang nawong sa kaulaw, mikuha sa kalo ug milakaw....